2012年1月14日 星期六

同人死亡筆記-最佳營業員(文)

我哋已經解釋咗作者唔一定係版權擁有人。喺出版發佈途徑畀大商家壟斷嘅現實底下,作者想令個作品有途徑向大眾發佈,好可能冇得唔向現實低頭,將個版權送畀或者監平監賤咁賣畀大商家。
除非你甘心淨係得小眾欣賞,如果唔係,全港所有公眾傳媒管道都幾乎畀傳統大公司同版權收費組織壟斷晒。作者單人匹馬對住龐然大軍,強弱懸殊如卵擊石。
其實大奸商仲有賤招。例如,有啲唱片公司,會自動幫啲作曲塡詞人報埋CASH(香港作曲家及作詞家協會),你無啦啦就做咗CASH呢間版權收費組織嘅會員喇,你啲作品嘅版權,就「被委託」CASH去管理。你要用自己嘅作品,都要交錢畀CASH。好喇,咁你想取消CASH幫你管理版權嘅合約,得唔得呢?CASH就話佢哋冇咁嘅程序,你想取消都唔得!
你話:咁就唯有小眾囉。地下創作,網上發佈,自資出版,得喇啩?Sorry喎,呢次修例,將監管範圍明確咁伸延至所有媒體同科技。你去到邊都走唔甩呢隻QB嘅魔掌!QB的凝望,Come Sweet Death!

沒有留言:

張貼留言