2012年1月16日 星期一

同人死亡筆記-最佳營業員II(文)

呢次版權修訂,政府畀人好明顯睇到有兩個司馬昭之心:第一係明益大奸商——嗰啲總部係美國嗰邊,靠收巨額版權費嚟自肥,令創作人嘅回報強行「被代理」嘅版權商,等佢哋可以進一步擴展佢哋已經極之大嘅版權收錢勢力範圍。無論串流(如Youtube及Niconico)、雲端等咩科技,係非商業使用、二次創作等等,全部都要向佢哋畀巨額金錢先算合法,擺明車馬係利益輸送。
第二係政治任務。今日香港諷刺時弊最有效嘅手法就係「頭條新聞」式嘅惡搞。高登巴打嘅舊曲新詞、改圖等,一針見血,簡單易明,串到政府同阿爺應一應。列咗做非法,言論受打壓。難怪眾巴打用03年七一遊行所反對嘅23條(國家安全法)嚟做比喩,話呢次修訂係「網絡23條」。
至於眞正關係到創意嘅人,好似我哋呢啲同人或者非商業創作人啦,香港嘅網上服務供應者(包括高登、香港獨立媒體、同人空港、畫圖人行星等),全部都受呢次修訂嘅不良影響。弊在就算主動拍政府門,政府都唔啋你,唔聽你意見!草案公佈前嘅多次conference,只有CASH、IFPI之類,同總部喺美國嘅公司出席!眞正創作者,話之你死!!!

沒有留言:

張貼留言