2012年1月5日 星期四

同人死亡筆記-版權法修訂通過前後(文)

知識產權署話:「保護版權即係保護作者。」版權收費組織話:「作者嘅辛勞應該有報酬,所以畀版權費係天經地義嘅。」你信唔信吖?
如果佢哋講嘅嘢係眞嘅,係咁,點解版權條例入面保護嘅係「版權擁有人」,而唔係「作者」?
「版權擁有人」同「作者」有咩分別?「作者」就係創作人。如果你創作咗件作品之後,冇賣過或者送過個版權畀人,咁「版權擁有人」都仍然係你呢位作者。但係如果你賣過或者送過畀人,係咁「版權擁有人」就唔係作者閣下咯!
於是,第時「版權擁有人」可以限制其他人使用你嘅作品。例如規定啲人要向「版權擁有人」畀巨額金錢,先可以用你嘅作品。連身爲作者嘅你,都被「版權擁有人」食住,唔畀巨額金錢佢,你都一樣冇得用番自己嘅作品!
你可能話:我唔賣或者唔送個版權畀人就冇事啦!但係,人哋話你唔送或者唔低價賤賣嘅,就唔幫你出版發行,仲要成個行業都係咁,作者閣下有得揀咩?
保護作者?你眞係信?Sosad!

沒有留言:

張貼留言