2012年1月11日 星期三

同人死亡筆記-惡搞有罪?!(文)

喺法例上面,惡搞或者其他二次創作唔一定有罪——只要你得到版權擁有人嘅同意。而喺現實生活裏面,得到同意嘅方法,絕大部份都係滿足一個條件:錢!
於是,可唔可以二次創作,就變成大商家嘅金錢遊戲。有錢嘅,就好似TXB咁,攞晒日本動畫啲BGM,當自己啲膠劇嘅配樂,連原作者個名都唔出,一樣合法,因爲用錢買起咗個「權」吖嘛!睇吓,幾咁尊重原作者呢可?!
冇錢嘅話,對唔住,就算你係非商業用,一樣冇得豁免。
明明二次創作,只係一種好普通嘅創作手法。細路仔見到條魚照住畫條魚,見到Hello Kitty照住畫Hello Kitty,咁已經係二次創作。而家,你畀得起錢,先可以照住畫Hello Kitty(或者用佢嚟再惡搞再乜嘢啦);畀唔起錢,你仍然要照住畫(或者惡搞等等)呢,就係犯法喇。
喺官商勾結嘅香港,政府同大奸商聯手「圈地」。於是,一種自然嘅創作手法,變成咗有巨額金錢先可以玩嘅特權生意。冇錢,就連呢種咁基本咁簡單嘅創作手法,你都冇權用!我哋仲信唔信政府話保護創意呢吓?

沒有留言:

張貼留言