2012年2月6日 星期一

同人死亡筆記-泰文版幪面超人(文)

呢次版權條例修訂嘅另一個恐怖之處,就係將「貶損性處理」列做犯法。修訂草案嘅第92(2)同92(3)話:「如作品經處理後受歪曲或殘缺不全,或在其他方面對作者或導演的榮譽或聲譽具損害性,則該項處理屬貶損處理」。
張錦輝仲對住鏡頭解釋:「喺度惡搞佢啲嘢,嚴肅嘅變咗詼諧、唔認眞等等嘅嘢,就係對佢嗰個作品(原作)貶損性處理,傷害咗嗰個產權人精神方面嘅感受。所以亦都係一種侵權嘅行爲。」
即係你做MAD片、改圖、畫改編誌,或者做任何二次創作,係詼諧咗、搞笑咗、惡搞(KUSO)咗、有咗諷刺性等等嘅話,咁你等於令人心靈受創,屙屎唔出,犯版權法喇你!恭喜恭喜!
偏偏,呢類咁嘅手法,古今中外嘅唔同藝術創作(包括文學、現代藝術、動漫等)一直都用緊。即係話文學作家董啟章、西西,劇作家Tom Stoppard,惡搞《這個殺手不太冷》、《西遊記》嘅周星馳,安迪・華荷同杜象等藝術大師,連埋《Keroro軍曹》、《爆笑管家》等作者都犯晒法!
咁叫保護創意,定係殺死創意?!張錦輝你答我!!!

沒有留言:

張貼留言