2012年2月12日 星期日

同人死亡筆記-同人=抄襲?!(文)

除咗用「版權擁有人」呢一個身份,將「作者」嘅權利偸換同轉移;當局亦都任由版權商、版權收費組織嘅壟斷,唔加以適當嘅監管同限制,令作者同埋用者變成萬丈巨牆下嘅雞蛋。結果,有財有勢先有權二次創作,將「創作」呢一種人類與生俱來嘅自由割賣。
喺知識產權署嘅論述中,對於民間升斗小民嘅二次創作,更加係經常存心去抹黑。
好簡單一點:提親惡搞等二次創作,就一定同翻版相提並論,將兩樣嘢一齊數出嚟,將兩者視爲同一類嘅嘢。但係惡搞等二次創作同老翻嘅分別,連小學生都知啦!如果知識產權署啲官員唔係幼稚園未畢業,講錯嘢都唔知嘅話,咁又點會唔係存心抹黑?!
另一點:講親二次創作,政府就話要計咩「潛在」嘅經濟損害,「潛在」嘅市場或價值影響。講到二次創作就係蠶蝕原作嘅利益咁。喂!所謂「潛在」,即係唔實在嘅,靠篤數砌出嚟㗎啦。仲有,二次創作並唔係原作嘅替代品,經常都宣傳咗原作,令原作更hit更暢銷。點解呢點又唔計埋入法例嘅訂立度,令二次創作可受豁免?根本就係輸打贏要!

沒有留言:

張貼留言