2012年3月24日 星期六

同人死亡筆記-對Coser嘅影響(文)

「乜話?Cosplay都中招?係咪你哋自己膠咗咋?」——有Coser聽到我哋話Cosplay都中招之後,完全唔相信。呢種情況我哋好明白,因爲最初連我哋都唔多信。
好可惜,就算係現行嘅版權條例第23(3)條,講「因複製而侵犯版權」嗰陣,就講明話:「複製包括將平面作品製成立體的複製品以及將立體作品製成平面的複製品。」由平面嘅角色衫變成立體嘅cosplay服,符合晒佢嘅定義。
而Coser喺公眾場合cosplay,就同CASH話你喺條街上唱佢哋有版權嘅歌一樣,喺法律上都屬於向公眾展示或散播。於是即係侵權,政府或版權擁有人有權告。
就算喺私人地方私影,將cos嘅相放喺forum、Twitter、plurk、facebook、Google+、curecos…等等嘅網上平台,全部都係被政府視爲對公眾散播侵權物品。
個cos活動就算唔涉及任何商業性,一樣可以計你「影響原作者的潛在商業利益」。如果嗰個event有涉及商業或者買賣,分分鐘仲衰多幾錢重。
唔係講笑,亦唔係呃你,啲例眞係咁寫。

沒有留言:

張貼留言